(2) Sub Diocletiano et Maximiano imperatoribus, cum per diversas provincias multi martyrizati essent (sunt del.?) Christiani,

(3) erat legio militum, quod sunt VI milia sexcenti viri, qui Thebei nuncupantur. Hi in auxilium Maximiano ab oriente venerunt armis praecincti, viri in bellicis rebus strenui et virtute nobiles sed multo fide nobiliores. Erga imperatores fortitudine, erga Christum certabant devotione. Evvangelici precepti sub armis non inmemores reddebant deo quae dei sunt, et quę Caesaris Caesari restituebant.

(4) Itaque cum Thebeis sicut ceteri militum ad pertrahendam Christianorum multitudinem destinarentur, ipsi soli crudelitatis ministerium detractare ausi sunt atque huiuscemodi preceptis se obtemperare negabant. Sed cum Maximiano nuntiatum esset legionem hanc adversus mandata regia rebellem, gravi indignatus furore exarsit.

(6) Atque ut eo facilius ceteris metum faceret, decimum quemque ex eis gladio ferire iussit. At ubi ad Thebeos denuntiatio ista pervenerat, vociferatio passim in castris exoritur adfirmantium numquam se ulli in tam sacrilego ministerio consensuros, sed ^et idolorum profana detestati sunt et unum eternitatis dominum unanimiter ^se adorare perpessi sunt (super eras).

(7) His inde compertis Maximianus omni belua cruentior ad maiorem etiam saevitiam rediit. Iterumque imperat ut decimus eorum iterum gladio puniretur. Reliqua vero militum multitudo mutuo se sermone instigabat, ut incepto tam preclaro opere permanerent.

(8) Incitamento tamen maximae fidei in hac legione Mauricius primicerius fuit, et post eum inter ceteros priores Exsuperius et Candidus senatores militum fuerunt. Qui omnes pari fide et devotione contubernales suos pro divinis legibus et pro fide Christi, si necessitas accidisset, mori viriliter suadebant, suosque socios imitare (-i p.c.), qui iam ad caelum migraverant, quia flagrabat in beatissimis viris gloriosior fidei ardor.

(9) His itaque ita animati ad Maximianum insanum mandatum mittebant dicentes: "Milites sumus imperii tui, tamen libere confitemur ^nos dei servos (p.c.) esse. Tibi militiam debemus, illi innocentiam, a te stipendium laboris accepimus, ab illo vitae exordium. Quo enim pacto conservabimus (-avimus a.c.) tibi fidelitatem, si deo non observabimus fidem? Habes nos omnes confitentes deum patrem, auctorem omnium, et Iesum Christum filium eius dominum nostrum cum spiritu sancto, unum et verum atque eternum deum."

(10) Cumque talia Maximianus audisset obstinatosque eorum animos in fide Christi cerneret, omnes pariter una sententia interficere iussit. Qui cum missi ad beatissimam legionem venissent, ipsi se sponte ad interimendum pro nomine Christi indubitanter tradebant, parati magis mori quam sacrilegis idolorum cultibus profanari.

(11) Sic interfecta est illa plane angelica legio, quae ut credimus cum angelorum legionibus deum collaudant in caelis dominum Sabahot.

(12) Victor autem quidam miles non eiusdem agminis erat. Hic cum iter ageret iuxta eos qui laeti aepulabantur iuxta martyrum spoliis, sponte se Christianum esse professus est statimque ab inruentibus interfectus ceterisque martyribus sicut morte ita est etiam honore coniunctus.

(16) At vero beatissimorum martyrum corpora Augunensi loco post multos passionis annos sancto Theodoro, eiusdem loci epo, sunt revelata, hicque in eorum honore magnam construxit ecclesiam ibi^que eos sepelivit

(19C) et officium ecclesiasticum in laudem dei ibidem fideliter adimplere fecit, ubi cottidie per orationes eorum multa sanitatum et virtutum prestantur beneficia. Regnante domino nostro Iesu Christo in secula seculorum.Amen

IN NATALI SCI RATHPERTI VIII KL OCTOBRIS